١- يعنى لما تيجى تكلميها عالموبايل تلاقيها حاطة كول تون يوجع الاعصاب
٢- يعنى ليل نهار تليفون البيت مشغول والموبايل دايما عالويتنج
٣- يعنى يوم ماتتصلى بيها وتتكرم وترد عليكى تقولك:
اطرئى دلوقتى مش فضيالك
٤- يعنى تبقى اخر واحدة تقولك كل سنة وانتى طيبة فى عيد ميلادك
٥- يعنى من ساعة قراءة فاتحتها وهى بتقولك:
جوازتك على ايدى وخلاص قربت تبقى حامل ولسه ماشوفتيش منها حاجة
٦- يعنى تعشمك بالحلق وتفضلى تخرمى فى ودانك لحد ماتعملى حفرة وتعزملك صحاب خطيبها كلهم فى خطوبتها وماحدش يجى فى الاخر
٧- يعنى يوم خطوبتها كل المعازيم ياكلوا جاتوه الا انتى
٨- يعنى تصرف الخمسين جنية اللى كنتى كاتبلها عليها ذكرى عشان تشترى هدية لخطيبها
٩- يعنى تمسحك من ذاكرتها وتنسى اهلها وتفكتربس اليوم اللى قابلت فيه خطيبها
١٠- يعنى توعدى لوحدك زى الزبلة وتكتبى موضوع زى ده
